Z'Hansrüedi'sch Nius

Die regelmässigen Z'Hansrüedi-Nius kann man auch per Post bestellen. Einfach unten auf den Button drucken und dann die genaue Post-Adresse angeben. So cirka 3 x pro Jahr werden diese Auftrittslisten mit kurzen Z'Hansrüedi-News verschickt.

Dieser Service ist kostenlos. "Hüeru güet"


28. November 2018

 

 

 

 

Jetzu is definitiv! D'Romreis 2019 gits vam 5. - 8. Mai! Genau zu der Zit wa d'Schwizer Gardischtu vereidigt wärdunt. Ds Schampi het es niwws Programm zämugschtellt. Alli wichtig Details gseehscht im Flyer. 

 

...und ich gah mit dr Karin in d'Ferie! d'letschtu paar Ferie hei wier immer miessu annullieru wägu der Gsundheit var Karin. Dizmal klappt's ganz sicher! Wier starte am 8.12. und chäme eerscht am 13.1.2019 zrugg.  


 

 

 

 

 

 

 


4. Mai 2018

 

 

 

Wier sii in de letschtu Vorbireitige fer das Fäscht am 19. Mai. Numma non es paar züesätzlichi Infos (äs het drum scho Fraage gigäh):

- Alli CD's, DVD's oder MC's chamu an dem Tag im Zentrum Missione wirkli fer

nummu 1000 Rappu chöifu. 

- Der Itritt am Namittag isch gratis, am Maabu ins Zentrum Missione choschtuts öi nummu 1000 Rappu

- Die CD "uhüerugüet" chamu scho jetz bschtellu - aber wird eerscht am 25. Mai üsglifrut.

- Ds OK va 1000 Jahr Natersch het öi Flyer und Plakaati gmacht: Merci villmal!

 

 


26. April 2018

 

 

D'niww "Z'Hansrüedi"-Produktion ischt im Chaschtu! ...und wenn die CD-Fabrik iru Termin tüet ihaaltu, de gits am Pfingschtsamstag, 19. Mai 2018 en uhammer schööni Kassettutöifi! Natiirli gits Zeedee öi...

Ab dum 25. Mai 2018 chamu de die Zeedee fascht uberall iner Schwiz chöifu. 

Will diz Fäscht unner dum Patronat va "1000 Jahr Natersch" steit, choschtut der Itritt am Maabu öi numma 1000 Rappu. Öi miini Zeedees und Ämzees wärdunt an dem Aabu fer 1000 Rappu verchöift. En Tag spääter choschtuntsch de wieder füüfuzwenzig Stutz. 

Der ganz Gwinn va dem Fäscht geit an die Pfarii Natersch, wa de das fer en güete Zwäck cha verteilu. 

 

Ich gfrewwu mich uf das Fäscht!!

 

 

 

 

17. Dezember 2017

 

Hientamal wärdunt Wienächtsmaarlini wahr und äs passiert iner Adväntszit richtigi Wunder!

E so es Wunder ischt mier diz Jahr passiert. Ds schönscht Wienächtsgscheich wa mu schich cha winschu! D'Karin het en niwwi Niere vercho! D'Operation ischt glungu und jetzt faht (eismal meh) fer iisch zwei es niwws Läbu a!

Üsserdem geit ds Zweitüüsigundachzäh diräkt mit eme Höhepunkt los. Am 6. Januar darf ich am Samschtig-Jass es Liedji ga singu. Derdussunt häni fascht alli Lieder fer d'niww Zeedeee fertig gschribu und öi d'Vorbireitige fer die Zeedee-Töifi am 19. Mai heint agfangu. 

 

Aber zeerscht chunt ja no Wienächtu. Wennt no keis Gscheich hescht: Wier hei no es paar Plätz frii fer die Südtiroler Plauschwucha im Herbscht! 

 

Amäldu cha mu schich diräkt bi mier. Ich schicke de Amäldigsformulaari züe...

 


1. Juli 2017

 

 

Ds Eidgenössisch Jodlerfäscht ischt verbii!  Hüeru güet gsii. ...und bi de Fahnuschwinger het alles geklappt! Iischi Vereinigung het uhammer güet gschaffut und Ändi Juli gits de no es Hälferfäscht fer alli wa mitgholfu heint!

Züedem häni no so en "komische" Fernseh-Üftritt mit dem Nicolas Senn iner "Potzmusig" Sändig kä. Äs het es bizji gwindut...

 

Es riesigs Vergältsgott dem ganzu OK! Dascht appa die bescht Wärbig fer ds Wallis in de letschtu Jahr gsii!!


5. Mai 2017 

 

Eidgenössisches Jodlerfest in Brig!! Jetzt geits de langsam aber sicher los! D'Jury-Unnerlage sind verschickti, d'Iteilige sind gmachti und d?Wärbig der das Jahrhundertfäscht im Oberwallis geit öi langsam los. Sogar im Unnerwallis!! Dr wälsch Sänder RTS het en chleini Reportage uber ischi Walliser Fahnuschwinger und das Jodlerfäscht gmacht. Hie der Link: www.rts.ch

Bi de Üfnahme häni zweimal die Drohna ambricha gholt. Ich gfrewwu mich uf das Fäscht!


2. März 2017

 

 

D'Fasnacht isch fertig! D'Üfheeru!!-Üftritta sind wieder mal uhammer luschtig gsii!  Jetz häni wieder es bizji Zit fer miis Büro in Ornig z'bringu. Hä jetzt gat der Flyer vercho va dr Romreis im Herbscht. Va jetzt awäg cha mu schich amäldu!

1. November 2016

 

 

Eidgenössisches Jodlerfest in Brig!! Das biditut no vill Vorbireitigs-Arbeite. Wier hei derdussunt iische Walliser Wanderpriis im Fahnuschwingu durchgfiert und mu het iisch uf die Titulsitta vam "Walliser Bote" gitah. Und de no en ganzi Sitta gwidmut. So churz vor dum Fäscht wird z'Fahnuschwingu halt intressanter...

TV Oberwallis het öi so en Biitrag uber miis Hobby gmacht. Hie isch der Link. Das git es hüeru güets Fäscht!!

12. Oktober 2016

 

D'Schiffsreis ischt scho wieder Verganguheit! Allne Teilnähmer es Vergältsgott! Super Stimmig, schööni Üsflig, güets Ässu und vill z'Triichu, frindlichs Personal und en uhammer güete Organisator: Merci Bruno! In zwei Jahr geits de im Oktober ins Südtirol!!

 

4. Oktober 2016

 

En ganz strängi Zit mit villne Üftritta isch jetz durch. ...und jetz geits de ab uf ds Schiff! Uf das gfrewwi mi ganz bsunners! Hä fer die Schiffsreis no gat eppis im Internet gsüecht und de find ich die Sändig vam "Hopp de Bäse" vam 21.8.2010.

Hä mi gat wieder köschtlich amüsiert. Wenn dü das öi willt lüegu: Hie isch der Link:

www.srf.ch

7. September 2016

 

Dasch jetzt gottlos schnell gangu... Ds Blatti het mier die Houmpeitsch schon ufgschaaltu - und bi no gat in de Ferie. Aber zum Glick gits ja ds Internet. Aber bis ich alles igigäh hä (zum Biischpill alli Tegschta) geits appa no es schutzji.

1. September 2016

 

Ich hä mich in de letschtu paar Jahr immer wieder über Mini Houmpeitsch üfgregt. Sittem dass ich schi vor em paar Jahr umgschtellt hä, het mee wa d'Hälfti nimme richtig funktioniert. Jetzt het mer miine Zeedeetöifgetti Blatter Christoph es niwws Programm gezeigt. Jetzt chani alles selber machu und darf nie meh andre d'schuld gäh!! Dischi Ziile sind d'eerschtu wani igibu... Nimmt mi wunner wie lang das geit, bis dischi Version va dr Houmpeitsch üfgschaaltu wird...