Hie tüets mer weh
Vor eiguntli gar nit so langer Zit
Da häni no megu - ins Näscht bini nit.
Kei Gränze gseh und sältu mied
Und hittu da singi nur no diz Lied:
Hie tüets mer weh - und da tüets mer weh
alles was schön isch das chamu nimme
Hie tüets mer weh und da tüets mer weh
alles was güet tüet - das geit gar nimme...
Nur Müsig und Säich und Ginte im Grind
Immer nur da gsii wa d’Meitjini sind!
va einum Fäscht zum anduru gfahru
statt Meitje häni hittu en Bettfläscha im Aaru.
Hie tüets mer weh....
Jodel
Keis Bier, kei Wii und öi keis Raclette
keis Gnagi kei Servola - alles vill z’fett
Müess üfpassu wägs miinum Choleschterin
Jede Tag en Schachtla voll Aspirin.
Hie tüets mer weh....
(Jodel)
Hie tüets mer weh - und da tüets mer weh
Hienta de meini das schüeni nimme
Doch tüet mer de pletzli gar nix me weh
de ischt alles z’spaat, will de bin ich nimme!
(...und darum gniessi das jetz no!)
Hie tüets mer weh...
(Jodel)
Im Läbu geit äbu vill dernäbu
Dü bischt verliebt - hescht ira nix verratu
aber mooru seischras gschwind
Da seit schii dier: Dü wier tie heiratu
Ich und miine niwwe Frind.
In diinum Fruscht leerscht die Thea kennu
und willsch so lieb und sympathisch ischt
Nimmsch schii mit heim - da müescht erkennu
Dass die Thea en Theo ischt....
Äs geit im Läbu Läbu Läbu
vill dernäbu näbu näbu
mu merktsus meischtens zspaat.
Ds Glick chascht nit häbu häbu häbu
müescht erläbu läbu läbu
dass dich dsGlick wieder verlaat.
Äs chunnt im Läbu äbu
annersch als mu deicht
mu verchunnt im Läbu äbu
sältu eppis gscheicht...
Dü chasch dum Chef güet ins Fitla schliifu
Dü chascht güet schliimu bi sume Lit
Doch diine Chef het dich nit bigriffu
Het di trotzdem us der Firma kit.
Dü hescht lang gsüecht
endlich hescht en Wonig
dü willschschi chöifu - tiir ischt nit
Mu het ndier gseit die wohnig sig in Ornig
und jetz isch ds Hiischi zämukitt....
REFRAIN
Sisch wie im Märli - dü bisch zum Brunnu gangu
und gseescht en Frosch wa druf tüet plangu
dass mu nu küsst, will dr Prinz ischt gfangu
doch d’Schmüüseerii het nix verfangu....
REFRAIN
Natersch, miis Derfji
Zwischum Simplon und der Belalp, da lits.
We mu will, öi zwischu Birgisch und Bitsch.
Da wa der Chelchbach ds Wasser in du Rottu treit,
wa der Aletschgletscher ds’Ändi geit.
Natersch, miis Derfji, am Rottustrand.
Mu griesst schich immer, mu kennt halt enand.
Hie läbunt wirklich no urchigi Lit.
Wies suschter nummu sältu no git!
REFR:
Natersch, miis Derfji, dü bisch voll Gägusätz.
Halb Stadt, halb es Derfji, hie bin ich sicher nit lätz!
Natersch, chleis Derfji,
und doch so gross wie en Stadt.
Doch hoffuntli blibsch es Derfji,
susch wäris wirkli sinduschad!
D’Alterssidlig, näbum Chindergartu züe.
Im altu Derfji, ja da findusch no Rüeh.
An der Furkastrass, da rollt der Vercheer,
Jahr fer Jahr es bizji meh.
Super-Discount-Lädu, en alte Konsum,
uberall träffunt schich Alt und Jung.
Bim Beihüüs merksch, das ds’Läbu vergeit.
In de Beize gschpirsch no Läbunsfreid!
REFR:
Natersch, miis Derfji......
Laftinomeh
Am Mäntag häni Üsgang kä- äs het mi zimmli gleit
ich fahru mit dum Auto heim, will löifu nimme geit.
da steit en Charru uf dem Platz wa suschter miine steit.
Ich wecku miini Fröi und frägu ob schii das versteit.
Miine Parkplatz der ischt volle da het schii zumer gseit:
Laftinomeh, dü gsehsch ja nix meh, dü müesch fasch blinde sii
das isch doch nur die Pussett vam Mämmi vis-a-vis
Nei ich süechu gar kei Krach und strittu will ich nit
aber en Pussett mit mu Schiebedach, nei das bigriifi nit.
Am Ziischtag wani heim bi cho , hän ich en Chischta käh!
So en Mantul hangut amne Stüel wieni keine hä!
Är isch mier öi nit gangu ich hänu aprobiert
ich wecku miini Fröi und frägu ob schi das kapiert,
en främde Mantul uf dum Stüel da het schii reklamiert:
Laftinomeh, dü gsehsch ja nix meh, dü müesch fasch blinde sii
das sind doch nur die Windle, vam Mämmi vis-a-vis
Ich müess gottlos glaffne sii und strittu will ich nit
aber Windle mit vill Täsche dri, nei das bigriifi nit.
Vam Mittwucham Aabu weissi nix äs chunnt mer nix meh zii.
Ich weiss numma dassi mit der Fröi im Strit bi gsii
Ich hä nämmli ira gseit dass ich kei Röiker sii
und doch ligt en Riesustumpu uf miinum Nachttischji
das siige mier es Rätsul - als Antwort da seit schii:
Laftinomeh, dü gsehsch ja nix meh, jetz müesch erblindut sii
das isch doch nur es Nuggi, vam Mämmi vis-a-vis
Gliich was dandru deichunt doch strittu will ich nit
aber Nuggini wa Röichunt, nei das bigriifi nit.
Am Donschtag und am Fritag bini zimmli spat ins Näscht
Am Samstag häni sowieso es luschtigs Riesufäscht.
Wani heim zer Fröi bi cho git mier das der Räscht
Da ligt en främde Maa mit miiner Fröi im Näscht
und miin Fröi die seit mier no: weck nit iischi Gäscht!
Laftinomeh, dü gsehsch ja nix meh, jetz müesch dü blinde sii
das isch doch nur das Mämmi, var Wohnig vis-a-vis
Strittu ischt nit miini Art , aber dizmal glöibis nit
es Mämmi mit me Vollbart, nei das bigriifi nit.
13 Stärna
13 Stärna, iischers Wappu -13 Stärna, rot und wiis.
13 Stärna het öi ds Wallis - wills öi miini Heimat isch.
13 Stärna, die heint Kante - Kante wie d’Walliserlit
13 Stärna iischers Wappu - schönri Stärna findusch nit.
Der eerschtusch Stäru, da der Rotu - der biditut Sunnuschii
Der zweitusch Stäru keert dum Rottu, der drittu der keert iischum Wii.
Öi dum Schnee, dem keert en Stäru, wills im Wallis fliissig schnit
der Füüftusch keert dum Matterhoru - dum allerschönschtu Bärg was git!
Schi keerunt de Spezialitäte, die Stärna sägsch, siebu und acht
de Aprikose und Tomate, und was mu us dum Safran macht.
D’Eringer-Kampfchüeh het en Stäru - ds Schwarznasuschaaf in dem Fall öi
denn d’Schäfer heint das Schaf so gäru - fasch lieber als die eigunt Fröi!
13 Stärna, iischers Wappu -13 Stärna, rot und wiis....
Der elftusch Stäru isch französisch, der zwelftu isch Wallisertitsch
der letschtusch Stäru, was ganz klar isch, keert de Walliserlit.
Denn iischers Volch, das darf läbu, uf dum allerschönschtu Fläck,
was cha gäh, uf Gottesärdu, vam Wallis chäme wier nie wäg!
13 Stärna, iischers Wappu -13 Stärna, rot und wiis...
2x
....13 Stärna iischers Wappu - schönri Stärna findusch nit.
nei, schönri Stärna findusch nit!
Lötschbärgtunnel
Bisch dü z’Bäru - chunnsch dü gäru, heim ins Wallis zrugg!
Der schnällschtusch Wäg - isch ds Kanderstäg und uf du Autozug.
Hesch Lengizit - doch lang geits nit und dü bischt scho deheim
Dü müesch nur noch - durch ds’Lötschbärgloch, scho bisch dü ds’Goppustei!
Lötschbärgtunnel - Äs tschätturut und chlätturut - im Lötschbärgtunnel dri
Lötschbärgtunnel - Äs schittlut di und rittlut di - in Diinum Auto dri
Lötschbärgtunnel - Mu gseht gar nix - doch daana gits - ganz sicher Sunnuschii.
Var Üsserschwiz ins Wallis zrugg, isch mu hittu schnäll
Müesch nur uf du Autozug und durch dsLötschbärgtunnel!
En Super-Chatz, isch Diine Schatz, schi wohnt ir Üsserschwiz
Jetz holschi ab. Der Zug fahrt ab. Äs schopplut di embiz.
S’isch fiischtrig gsii im Tunnel dri, im Auto heit ier Freid.
Eww schittluts fescht, dü hescht schi fescht, schad das nit lenger geit!
Lötschbärgtunnel - Äs tschätturut und chlätturut - im Lötschbärgtunnel dri
Lötschbärgtunnel - Äs schittlut di und rittlut di - in Diinum Auto dri
Lötschbärgtunnel - Mu gseht gar nix - doch daana gits - ganz sicher Sunnuschii.
Var Üsserschwiz ins Wallis zrugg, isch mu hittu schnäll
Müesch nur uf du Autozug und durch dsLötschbärgtunnel!
Belalp, miis Paradies
Hienta weni Stress hä
numma no es Ghetz hä
brüüchi mal en Tag lang Rüeh,
de schliessi alli Porte züe
und fahru gägu Blattu züe.
Mit der Luftseilbahn geits witer
und mier geits nimme schitter,
ich nimu ganz en teife Schnüüf
hie uf der Belalp regt mich nix meh üf!
Ich bi im Paradies,
wenn ich uf der Belalp bi
alli Sorge gähnt verbii
da merkscht eerscht wie schön dass ds Läbu cha sii
im Paradies
Ich lotzu uf d’Wält ambrii
wenni uf der Belalp bi im Paradies!
Nei, das chani nie vergässu
uf der Müüra bini gsässu
und hä der Aletschgletscher gseh
ja z’allereerschtumal nu gseh
nei das vergäss ich niemals meh
Ich bi no es Chind gsii
hä glüegt und bi ganz still gsii
hä gwisst das het der Herrgott gmacht
No hittu stüüni ab der ganzu Pracht!
Ich bi im Paradies...
Müeterli
Jetz hesch scho graui Haar,
doch das steert Dich nit.
Fer d’Chinder bisch Dü da
und Ferie kennsch Dü nit.
Dü hesch Diis ganzi Läbu
um alli Dich bimieht.
Drum wellti ich “Merci” sägu
mit dischum chleinu Lied.
Müeterli, Müeterli
Jede Morgu scho ganz früeh
steit ds Früestuck uf dum Tisch.
Dich chlagu keert mu nie,
öi wennt vill alleinzig bischt.
Ums Härz wirds Dier so schwär,
an settige länge Täg.
D’Wohnig isch jetz so läär,
denn wier Chind’ sii alli wäg!
Müeterli, Müeterli
Dü hesch us miinum Läbu
wirklich eppis gmacht.
Ich chennti no so vill sägu,
was Dü fer iisch hesch gmacht.
Ich sägu Dier jetz ehrlich,
miini Gschwischter sicher öi:
Dü bisch iisch unentbehrlich
und die allerliebschti Fröi!
Müeterli, Müeterli
Bernina
Äs git niene uf Gottes Ärdu
es sottigs Land wie iischi Schwiz
4000 meter hochi Bärgu
48 im ganzu gits
47 va dene Tschugge
die chascht bi iisch hie im Wallis gseeh
Numma eine macht mich verruckte
der tüet mier in miinum Härzu weh!
Säg Herrgott chumm säg mer
was hesch derbii gideicht
wa dü öi de Bündner
en Viertüüsiger hesch gscheicht....
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!
4000 Meter isch d'Mindeschtheechi
und suschter is kei rächte grosse Bärg
Äs git vill hie in iischer Neechi
numma eine ischt vill dswit awäg.
Dr Herrgott het diz Land erschaffu
als Schöpfigs-Chrona steit ds Wallis da
Warum tüet är dr Bernina strafu
dass är alleinzig da müess stah...
Säg Herrgott chumm säg mer
was hesch derbii gideicht
wa dü öi de Bündner
en Viertüüsiger hesch gscheicht....
Bernina - dü steischt am falschu Ort.....
Ich will nit reklamieru
aber trotzdem is en Schand
dr Bernina ga plazieru
zmitsch im Bündnerland.....
Bernina - dü steischt am falschu Ort...
Alles immer numma no mit dier
Sumi tröimunt vamne Lottosägscher mit vill Gwinn
und ich tröimu numma no va dier
Sumi schwärmunt va dr Monalisa, die sig schön
und ich schwärmu numma no va dier!
Sumi goolunt immer mit dum Chatzji umenand
und ich goolu numma no mit dier!
Sumi löifunt in de tiirschtu Chleider umenand
und ich bi löifig numma no mit dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
Sumi Lit die gähnt mit irum Hundschi gäru üs
Und ich gah numma no mit Dier!
Sumi schlafunt jede Mäntagmorgu gäru üs
Und ich schlafu numma no mit Dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
Alles immer numma no , alles immer numma no
alles immer numma no mit dier.....
Sumi spilunt Dudlsack und heint ab dem no Freid!
und ich spilu numma no mit dier
Sumi triibunt sovill Sport bisch Muschkulkater heint
Und ich triibus numma no mit dier!
Mit dier - numma no mit dier
Alles immer numma no mit dier!
Mit dier - numma no mit dier
Alles immer numma no mit dier!
Rottu
Mu hett vam Rottu friener brichtut - är sige wilde gsi.
Mu het du Rottu friener gfirchtut - das isch verbii.
Zwischu hoche Müüre igipferchtut - rinnt är verbii
Wier hei der Rottu igsperrt - zwischu Müüre igsperrt
wier welle vor ihm sicher sii!!
Derbii bringt der Rottu - ds Wasser vam ewigu Iisch
Wier brüüche du Rottu - brüücht ächt der Rottu öi iisch?
Was müess der Rottu no alls uber schich la ergah
Bis wier endlich tie merku är chennti uf dsmal de zruggschlaa....
So wie friener numma süübers Wasser - das isch verbii.
Hittu brüücht mu ds ganzi Rottuwasser - fer d’Induschtrie
Nam verdräcku süübre wier de z’Wasser - mit vill Chemie
Funktioniert das immer? - oder chunnts no schlimmer?
de wäris mit dum Rottu verbii...
Derbii bringt der Rottu...
Hienta bringt der Rottu nit nur Sägu - zu iisch ambri
Hienta längt es Gwitter mit vill Rägu - de isch d’Rüeh verbii
Mu keert nu rumplu und d’Lit sägu - das cha gfährlich sii
De schlaat der Rottu zrugg - und zeigut hie de Lit -
näbu mier sit ier alli so chlii!
Derbii bringt der Rottu...
Am Grängjerseeli
Am Grängjerseeli, so hell und klar
da lüüchtund Bärga, so wunderbar.
Und uf de Firne, der ewig Schnee
s’ischt inschi Heimat - am Grengjersee.
Joholijo... s’ischt inschi Heimat, am Grengjersee...
Liechti Luft und Sunnuschii, Schatz, das müesch dü gseh.
Chumm mit mier ins Paradies, silbrig glänzt der See.
Und uf de Firne, der ewig Schnee
s’ischt inschi Heimat - am Grengjersee.
Joholijo... s’ischt inschi Heimat, am Grengjersee...
Ledl
Ich gah in miini Stammbeiz und ich bschtellu mier es Tee.
Ich triichu niemals meh es Bier, das git mier nur Grindweh!
Da geit die Porta pletzli üf, dr Ledl chunnt icha,
der Cello und alli andru öi - jetz faht das wieder a:
Wier fäschte iischi Fäschti, der Wirt der macht öi mit,
wier näschte iischi Näschti, hina wieder nit!
Wie läschtig sind die Fäschti, we mu fasch nimme mag.
Doch fäschte wier die Fäschti - jede Tag!
Doch hientamal am Maabu wellti ich eifach miini Rüeh.
De bliib ich deheimu, schliessu miini Porta züe.
Da pletzli geit miis Feischter üf, dr Ledl lüegt icha,
der Cello und alli andru öi - jetz faht das wieder a:
Wier fäschte iischi Fäschti, der Nachbüür macht öi mit.....
Ich brächu mier der Tschaagu und ich liggu im Spital.
Jetz brüüch ich nimme z’fäschtu ja das weiss ich ganz genau.
Da pletzli geit die Porta üf, dr Ledl chunnt icha,
der Cello und alli andru öi - jetz faht das wieder a:
Wier fäschte iischi Fäschti, der Dokter macht öi mit.....
Jetz bin ich im Himmul und tüe d’Himmulsporta züe.
Ich wärdu niemeh fäschtu - jetz hän ich endlich Rüeh!
Da geit die Himmulsporta üf, der Ledl chunnt icha,
der Cello und alli andru öi - jetz faht das wieder a:
Wier fäschte iischi Fäschti, der Petrus macht öi mit.....
Fredy
Mu stärbut hienta z'früeh
Und hienta wenns vill z'spaat isch
Der Herrgott frägt di nie
Naa dum Elter und was dü bisch
Ds Läbu ischt es Gscheich
Meh Zit chasch dier nit chöifu
Doch schnäller als dü deichsch
Tüet diini Zit ablöifu
Wier welle nit so vill studieru Fredy
Was da no alls mit iisch passiert
Gschiider no eppis riskieru Fredy
Öi wemu schich derbii blamiert.
Wier hei doch nit so vill z'verlieru Fredy
Wennt epper hesch wa zu dier steit
Wier welle iisch jetz amüsieru Fredy
Ds Läbu macht en hüeru Freid
D'Lit deichunt vill z'vill nah
Wellunt der Sinn vam Läbu findu
Tient in schich sälber gah
Derdussunt tüet jede Fröind verschwindu!
Chumm triich es Glas mit mier Wier stosse a uf ds Läbu
Und gniesse die Zit hie
Wier hei no so vill z’erläbu.
Wier welle nit so vill studieru Fredy...
Furkabähnlidampflokomotivji
Wells gumput uber Zahnradstange bis uf d’Furka ambrüf?
Ds Furkabähnlidampflokomotivji.
Wells het trotz schiinum hoochu Elter immer no gnüeg Schnüüf?
Ds Furkabähnlidampflokomotivji.
Wells ischt mit Abschtand d’schönschti Lok im ganzu Schwizerland?
Ds Furkabähnlidampflokomotivji
Wells ischt in ganz Europa und uf der ganzu Wält bikannt?
Ds Furkabähnlidampflokomotivji.
Ds Furkabähnlidampflokomotivji,
das stampfut, chrampfut, dampfut und äs schnüüfut bis das zischt.
das schrecku d’schwäärschtu Wäge, öi wenns nimme z’Jungschta ischt.
Ds Furkabähnlidampflokomotivji. (ds Furkabähnlidampflokomotivji)
D’Furkabahndampflokomotiv!
Wells brüücht kei Elektronik, wells fahrt no mit Nostalgie?
Ds Furkabähnlidampflokomotivji.
Wells brüüchut darfer Chole, so wie’s friener mal isch gsii?
Ds Furkabähnlidampflokomotivji.
Wells fahrt nit schnäll und stoppt wenn’s sii müess wägsme Murmultier?
Ds Furkabähnlidampflokomotivji.
Wells isch biliebt bi alt und jung, bi mier und öi bi Dier?
Ds Furkabähnlidampflokomotivji.
Ds Furkabähnlidampflokomotivji,
das stampfut, chrampfut, dampfut und äs schnüüfut bis das zischt.
das schrecku d’schwäärschtu Wäge, öi wenns nimme z’Jungschta ischt.
Ds Furkabähnlidampflokomotivji. (ds Furkabähnlidampflokomotivji)
D’Furkabahndampflokomotiv.
Ds Furkabähnlidampflokomotivji.
Ds Furkabähnlidampflokomotivji.
Ds Tanzu ischt verbottu
Schii wellti gääru zämubliibu
doch schii miessunt drunner liidu
dass d’Eltru das niemals lähnt la gscheh.
und drum sindsch vam Derfji wäg
uf du streng verbottnu Wäg
und de heintsch bim Aletschgletscher en aalti Hitta gseh!
Ds Tanzu ischt verbottu - und ds karisieru öi
nei äs darf schich gar nix mottu - zwischu Maa und Fröi!
In der Aletschhitta - wa güet verborgu isch
da tanzunt schii no hittu - im eewigu Iiisch
Jungi Liebi brennt so heiss
und schii tanzunt zämu eis
bis äs tagut heint schi anenander Freid.
doch der Tiful hetsus gseh
und die zwei gseht niemer meh
schii miessunt immer witertanzu bis in alli Ewigkeit.
ds Tanzu ischt verbottu - und ds karisieru öi
äs darf schich gar nix mottu - zwischu Maa und Fröi!
In der Aletschhitta - wa güet verborgu isch
da tanzunt schii no hittu - im eewigu Iiisch
Die Gschicht verzelluntsch hie
scho em paar hundert Jahr
die Jungu glöibunts nie
fer d’Altu ischt schi wahr!
Mu keerts no hittu giigu
am Rand vam Gletscher-iisch
Wie lang miessuntsch no liidu?
bis d’Ewigkeit da iisch?
ds Tanzu ischt verbottu - und ds karisieru öi
äs darf schich gar nix mottu - zwischu Maa und Fröi!
In der Aletschhitta - wa güet verborgu isch
da tanzunt schii no hittu - im eewigu Iiisch.
Aletschgletscher
Zwischu de stotzige Tschugge bim Aletschwald
Ändlos tiefe Spalte , fiischtrig und iischuchalt
Gheimnisvoll mächtig, liggusch Dü da
Alli bliibunt andächtig vor Dier stah!
Aletschgletscher - in ewigum Schnee
sit Jahrmillione - cha mu dich gseh
Tüüsig Gschichte - die schlafunt in dier,
Aletschgletscher - chumm, verzell schi mier!
Aletschgletscher - verzell schi mier.
D’Sage uber Dich - säg sind die wirklich alli wahr?
A schuppu armi Seele beite scho hüüfu Jahr.
Schoch schoch, d’alt Schmidja, die spinne hittu no
Dum Gratzug dem chenne niemer entcho!
Aletschgletscher in ewigum Schnee.....
Las Vegas
Schii ischt en Power-Fröi
und steit mit beide Bei
zmitscht in irum Läbu dri.
Ja schii gfallt mier so güet
aber mier fählt der Müet
am liebschtu laduti ‘ch schii eifach i.
Zumene Glasji Wii
eso bi Cherzuschii
doch weiss ich eifach nit wie fahnis a.
Villiicht blamier ich mich
Doch dizmal is mier gliich
ich gah zu ira, redu schii fräch a:
Chunnsch mit? - Wier fleige uf Las Vegas
Wier läh hie eifach alls lah stah
Chunnsch mit? - Da ännina ds Las Vegas
säg ich dier fer immer ja!
Schii lüegt mier mitsch ins Gsicht
und seit: “Das glöibi init!
eso het de no nie eine plagiert!”
Und wier hei beidi glacht
en schööne Aabu gmacht
und hei iisch beidi inenand verliebt.
Das isch der Afang gsii
und hittu da keert schii
zu mier genau wie ich zu ira öi!
Weisch wien ich paff bi gsii
denn pletzli da seit schii:
“Am Liebschtu würd’ ioch jetzu diini Fröi:
Chunnsch mit? - Wier fleige uf Las Vegas...
Chind
Nimmsch dü es Chind bi dr Hand
und fierschus embiz umenand
de gsehsch was scho lang nimme sälber hesch gseh
es Chind gseht halt eifach vill meh
Lüeg emne Chind züe wies schlaaft
Zfridu und riewig und saaft
de wirsch sälber zfridu und riewig derbii
Es Chind das ischt wie Zöiberii!
Scheich amne Chind diini Zit
und scho bald bisch dü sowit
Dass sälber e so wie das Chind welltisch sii
dü wäärisch am liebschtu öi chlii!
Die Trääne vam Chind tient dier weh
dü chaschus nit flännu gseh
Tüesus doch treeschtu de merksch da derbii
D’eigunu Sorge sind chlii
Los was es Chind dier alls seit
Äs ischt no voll Ehrlichkeit
Ds Leigu und ds Falscha chunnt später derzüe
Drum los amne Chind ganz güet züe!
Zeig amne Chind wie mu steit
uf de eigune Fiess wie mu geit
Zeig amne Chind nur der Afang vam Wäg
und de gang dü sälber awaäg
müesch leeru, dum Chind nit im Wäg drina z‘stah
äs müess sälber durch dsLäbu gah!
Hittu gits es Riesufäscht
Hittu gits es Riesufäscht
Nei wier welle nit ins Näscht.
D’Müüsig spillt die ganzi Nacht
bis die Nachbarschaft erwacht.
Jede tanzut wie-n-är will
jede ässut was är will
jede süüft so vill är will
jede singt so lüt är will:
Bim Luschtig sii - und Fröhlich sii
mit Bier und Wii - sii wier derbii - Jiipähee
Stimmig machu - das tüet krachu
Witza machu - druber lachu - Jiipähee.
Joo-lolo-di, Joo-lolo-di, joo-lolo-di, joo-lolo-di, jipähee
Jetz lüeg abu der Xavi a:
Wievill der wieder laffu cha.
Der Beni ischt en gsunde Hächt
und moru isch mu wieder schlächt.
Der Jörg der seit zu schiiner Fröi:
“Chumm wier zwei wier tanze öi!”
Der Erich het scho langsam gnüeg
mu merkt’s will är jetz singu tüet:
Bim Alkohol - isch mier so wohl
fasch jede Nool - isch jetz scho voll, jiipähee
Hina laffu - moru schlafu
nit ga schaffu - witer laffu, jiipähee.
Joo-lolo-di, Joo-lolo-di, joo-lolo-di, joo-lolo-di, jipähee
Der Jorgesch ja der faht jetz a
mit Lieder wa hie jede cha.
Wier singe dass die Buda kracht.
Wier mäche Krach die ganzi Nacht.
D’Stimmig die isch riesugross!
Ds Mariette hockt uf miinum Schoss.
Nei, wier welle nit ins Näscht,
denn hittu gits es Riesufäscht!!
Und alli singunt jetzu:
Joo-lolo-di, Joo-lolo-di, joo-lolo-di, joo-lolo-di, jipähee
Hittu gits es Riesufäscht - wier welle nit ins Näscht!
